15 апрелдан Тошкент шаҳри иссиқ сув таъминотида тўрт кунлик узилишлар бошланади. Veolia Energy Tashkent жадвални эълон қилди.
Тошкент шаҳрида 1 апрелдан 31 майгача, шунингдек, 15 апрелдан май ойи охиригача иссиқ сув таъминотида икки ва тўрт кунлик узилишлар бўлиши режа қилинмоқда. Шу кунларда иссиқлик тармоқлари синовдан ўтказилади. Жадвал янгиланиб боради.
Тошкентнинг марказий ҳудудларида 29 март куни иссиқлик тармоқларини синовдан ўтказиш муносабати билан иссиқ сув бир кунга тўхтатилади.
Veolia Energy Tashkent Тошкент шаҳрида аҳоли учун иссиқлик таъминоти ва иссиқ сув таъминоти хизматлари тарифи жорий иситиш мавсуми тугагандан сўнг оширилишини маълум қилди. Нархлар 15 фоизга оширилиши кутилмоқда.
Veolia Energy Tashkent компанияси кенгашга Тошкент шаҳри аҳолиси учун иссиқ сув ва иссиқлик таъминоти тарифини 15 фоизга оширишни таклиф қилди. Корхона раҳбарининг айтишича, ҳозирда шаҳар аҳолиси базавий тарифнинг атиги 14 фоизини тўлайди, қолгани эса шаҳар бюджетидан субсидия шаклида қопланади.
Тошкентнинг икки туманида истеъмолчилар иссиқ сувда қора зарралар пайдо бўлганидан шикоят қилди. Veolia Energy Tashkent бунга 1-ИМ қозонхонасидаги сувни тозалаш фильтридан сульфатланган кўмир чиқиши сабаб бўлганини билдирди. Компания ҳисоблагичларга техник хизмат кўрсатишга тайёр.
Тошкент шаҳар ҳокими иссиқлик таъминоти хизматлари учун тартибга солинадиган янги нархларни тасдиқлаш тўғрисида қарорни имзолади. Унга кўра, нархлар фақат юридик шахслар ва бюджет ташкилотлари учун ошди. Аҳоли учун тариф нархи ўзгаришсиз қолди.
Тошкентнинг Юнусобод, Мирзо Улуғбек, Олмазор ва Шайхонтоҳур туманларидаги айрим ҳудудларида 24 ноябрь куни иссиқ сув ва иссиқлик таъминоти вақтинча тўхтатилди. Таъминот 24 ноябрь ярим тунгача тикланиши айтилган.
18 ноябрь куни Юнусобод, Олмазор, Шайхонтоҳур ва Мирзо Улуғбек туманларининг айрим ҳудудларида иссиқ сув ва иссиқлик таъминоти вақтинча ўчирилади.
Душанба куни Тошкентдаги «Чуқурсой» подстанциясида юзага келган носозлик сабабли Юнусобод, Олмазор ва Шайхонтоҳур туманларида иссиқ сув ва иситиш тизими вақтинча ўчирилади. Ҳокимлик таъминот ярим тунга қадар тикланишини билдирди.
30−31 октябрь кунлари пойтахтнинг Юнусобод, Мирзо Улуғбек ва Яшнобод туманларининг айрим қисмларида, жумладан, шаҳар марказида иссиқ сув бўлмайди. Манзиллар.
«Чилонзор» қозонхонаси фаолиятини тўхтатиши сабаб Чилонзор ва Учтепа туманларининг бир қанча ҳудудларида 12 октябрда иссиқ сув таъминоти ўчирилади.
Тошкент шаҳри Мирзо Улуғбек туманининг айрим ҳудудларида 3 октябрдан 6 октябргача иссиқ сув таъминоти тўхтатилади.
11−15 сентябрь кунлари «Тошкент иссиқлик маркази» филиали фаолияти тўлиқ тўхтатилади. Бунга куз-қиш мавсумига тайёргарлик ишлари сабаб бўлган. Бу вақт оралиғида 8 та тумандаги бир қанча ҳудудларда иссиқ сув бўлмайди. Рўйхат.
17 август куни Тошкент шаҳри Юнусобод туманининг айрим ҳудудларида иссиқ сув таъминоти ўчирилади. Veolia Energy Tashkent маълум қилишича, таъминот тахминан соат 23:00 да қайта тикланади.
ИМ-2 қозонхонасида олиб бориладиган таъмирлаш ишлари муносабати билан 21−26 август кунлари Мирзо Улуғбек туманидаги қатор кўчаларда иссиқ сув таъминоти тўхтатилади. Рўйхат.
14 август куни соат 20:00 гача Тошкентнинг Шайхонтоҳур ва Учтепа туманларининг айрим жойларида газ, Шайхонтоҳур, Олмазор ва Чилонзор туманларининг баъзи ҳудудларида эса иссиқ сув ўчирилади.
Тошкентдаги иссиқлик марказларида таъмирлаш ишлари амалга оширилиши сабабли айрим туманларда июль-август ойларида иссиқ сув бўлмайди. Рўйхат.
Қувурларда олиб борилаётган таъмирлаш ишлари сабабли пойтахтнинг 8 та туманидаги айрим жойларда 23 май соат 20:00 гача иссиқ сув таъминоти тўхтатилди. Рўйхат.
Veolia Energy Tashkent бу йил баҳорда пойтахтда иссиқ сувни 5 кунлик ўчиришларни режалаштирмётганини маълум қилди. Иссиқлик тармоқларининг гидравлик синовлари кейинроққа ёз-куз мавсумида ўтказилади.
Қўшимча имкониятларга эга булиш учун сайтда рўйхатдан ўтинг